قصيدة قرأت في حفلة الخامس المسائية عن الوداع

خمس اعوام مرن جني عايش طيف
اريد اذكر طعمهن اعجز بذكره
واحد صام شهره بعزة الصيف
يموت وينعصر حد ما يهل شهره
وي اول فطور بليلة العيد
ينسى الحركه كلها وتبرد الجمره
مثل هذا المثل بالصيدله انعيش
ينفد كل صبر من نوكع بحصره
شيخلصها ربي وأدعي ليل نهار
من تخلص صدك تخنكني العبره
غير الروح تصبر لو يطكها الضيم؟
تنسى الحلوه دوم وتذكر المره
اسكت يادمع لتبرر بهاي
وانت الكلت اجمد ما أذب قطره
اشو صبت مطر من هاي العيون
من راح الحبيب وعافك بظهره

طالب اني
عليك الكلب عارك طالباني
وابد مايوم بعدك طالبه اني
صرت تلميذ عندك طالب اني
حته انخاك لو صعبت عليه

الشاعــــــــــر
نور الديـــــــن الشــــــــــوكـي

هذا من ذوقكم الطيب مشكووووووووورين عالاطراء

عاشت ايدك سيد ولاتحرمنا من المزيد والصيدلة تستاهل اكثر......

مشكووور سيد على هاي القصيده الروعه واتمنالك الموفقيه والنجاح
ومشكوور مره ثانيه على التعب اللي تعبته وي هاي الدفعه كانت قصيدتك
بالحفله الصباحيه روووعه بمعنى الكلمه...

شكراااااااااااا اخي ترانسبورتر انت الاروع ما ضاع تعبي الطلاب يستاهلون

حلو القصيدة رووووعة

شكراااااااااااااااااااا جوكر هذا من ذوقك