وضعت هذه القصيدة تماشيا مع رغبات بعض افراد هذا المنتدى
هاللمه لمة فرح واجب عليها احمد
سمحولي وهلة زمن باسمائكم احمد
هيبه وقياده وأدب معروف عن احمد
بالشدد ايبل كلف يلهم الحل الهام
تذكر هدوء البحر لو مره شفت الهام
ما همها كل الجرى والمشكله والهم
تبتهج مثل الشمس جن ماسه لو حي در
كركوكي اسم القب واسم الاصل حيدر
مدرار من تطلبه ذوق وقيم حيدر
لو مره شفته ابتسم جن كمر بي هاله
اخلاق طيبه وعقل تتجسد بهاله
ولو ردت تنطي العقل انطي العقل لهله
وربك زرع هالعقل عد ساره عبد الحسن
طيبه وبراءه كلب وتفيض نور وحسن
دورنا مره شخص نلكاه بكلشي حسن
مروان جاسم شخص يسري بكلشي اسراء
مأسور عنده العلم ما فكله ابد اسراه
مدرسة خلق ابشر تلكاها عند اسراء
تنطي الاخلاق بأدب للي نسه ومن سهه
لو تطلب انت ذهب روح اقتبس من سهى
صح بالقصيده انست بس الكلب من منسها
ونورين شعن شمس نور اكتمك وي نور
بالخامس النا شرف نور التقت وي ونور
بسمة سناري بدر شعشع ضوه وينور
تتفائل بكل أمر من واطي يصبح علي
زيني بصفاتك دخت من اوصفك يا علي
شما اخلي انا وصف يخجل ويرجع علي
عاجز اظل للأبد لو افسر بآيه
ضحكات تعلو بفرح بايه بعد بايه
والورد يشبع قهر من يسمع بآيه
ذوق واناقة لبس شذر وذهب ساره
وارد احجي انا بعد عن الأخت ساره
بسمات شفه وضحك بعروك دمها سره
جن ورده لو فتحت ريحة عطرها يزيد
يعجز لسان الوصف من اوصلك يازيد
كلولي زيده صبر يا اصبره يا زيد
ماشفته ضايج ابد يضحك مساء وضحى
ذب التكبر شلع وبماي عينه ضحه
ادآب خلق وعقل متمثله عد ضحى
مو بس هذني وخلص بالحسن زينه بعد
بزينب صلاح اسمعت واثنين زينب بعد
نجمات ليل بسمه لو ردت زينه بعد
عديت كل الأدب باخلاق زينب صفه
ماي الاخوة خبط بس ماي ذني صفه
عدنا عفاف ومنى هالسنه وي صفا
قمة آداب وقيم واخلاقهن ساميه
ميزات بيهن ألف تاهن علي ساميه
من صابرين التقت وي الاخت ساميه
روحين حلن جسد يطرب غنى وسامر
كالولي مرله بشعر سهله الطلب سامر
مريت بس الصبر شفته بكلب سامر
ماشكى رغم الالم ويفيض كله احسان
فاضل حسين وعلي والورده سيد احسان
ارجوك كلي الصدك هم مره شفت احسن
من هالثلاثه الشهد بحلوكنه المر حله
محمد مجيد اكتفي باسمك ابو المرحله
لغز بهدوئج صبا محد علي مرحله
اخلاق غاده ورد والطيبه بي زهرة
واللي يضدها زهر بأخلاقها تزهره
شمعة براءه ولطف مشتعله عد زهراء
حيدر صبيح الرجل بالشدد ماله وصف
من رانيه اخذ الامل وافتح مراحل وصف
وي رهام الفهم والعلم جار وصف
وهنياله كلمن نجح بالصيدله هيعون
والوفه ظل صاحبك ياخويه يحمد عون
ياربي عين الطلب للعلم باحسن عون
حلفتك بكل محب لاخر نبي احمد
حلفتك بكل محب للمصطفى احمد
الشــــــــــــــــــــــعر: نور الدين الشــــــــوكي
