جموح خيول فزاعة مردها
وعليه اسهام نص جبدي مردها
ردت اعرف مصادرها مردها
تكتر واليريده صار بيه
***
صدكني الماله اول ماله تالي
مثل عيط النخل يابس ماله تالي
اليشيع الرجل فعله وماله تالي
عجب يتساوى المرد بأبن الرديه
***
الارض رخوه ولا تغمك مساحي
وفسيل الايست منه مساحي
اشتظن تكدر تراوسها مساحي
جحيل الوكت ومالك قابليه
***
الناس الماتحبنا وتبينا مانبيها
واسف عالروح لاجت مانبيها
جثيره افعال عدها مانبيها
تظنهم حبل طلعوا راس حيه
***
تمنيت العمر وياك محبوبي بلاهم
ونعيش بعيد مانسمع بلاهم
اشسووا بالبشر ربك بلاهم
وماخله ذكر الهم عالوطيه
***
مومنك معاشي لاسكن لابيت
ولاتصرف حوافز لاشكر لابت
الفعل قهرك وعليك شلون لابيت
خذت حجي الشماته وخنت بيه
ومنك معاشي لاسكن لابيت
ولاتصرف حوافز لاشكر لابت
الفعل قهرك وعليك شلون لابيت
خذت حجي الشماته وخنت بيه
***
وحك سورة تبارك والمزمل و الضحى
لون شايل غيض مني يصاحب وضحا
الحان الشيب يامدلول بانت واضحا
اشمحني بالزلف يطلع عليه
***
حسنك ساد عالوادم وساده
وهجرك كاس جرعني وساده
نخيت الخضر يفزعلي وساده
انته خالي الخضر وانته اكطعت بيه
***
عجبني الصوت من يضحك بلابل
وعليه عيون سرحتني بلابل
نمت ليله حدر شعره بلابل
صحينا الصبح غركانه الوطيه
***
ماجنت اظن حبل الموده تبت
كل يوم احلف بزولك تبت
تالي العمر تامر بحكمي وتبت
مجبور اعله الحكم الصادر عليه**"
اتمنة ان تنال اعجابكم
