ومضات ولا اروع

اليسمع دفو صوتك يوكع بشده
وما أصدك وراها يظل صبر عنده
اكو قبلي نبي كالو مكلم الطير
وانا اول انسان يكلم الورده
هنياله الهوا اليمك بكيفه يفوت
ماتحمر خدوده ومستحه ترده
ولا يستأذنك يلمسله شي لو لأ
او يقترب منك خايف تصده
هم جان اسم غيرك باللعب ينكال
من تلعب وياهم ياورد شده
_ _ _ _ _ _ _ _ _ _ _ _ _ _
مو ذنبك حلاتك كل ذنب مابيك
لكن صوج كلبي الما كدر يصبر
شكد ردت اكتفي بالنظره الاولى وياك
اغمض والعيون من الجفن تطفر
يانظرة براءه؟ تظل براءه وياك؟!!
اذا نظراتي جانت بالجلد تحفر
قست دكات نبضك من لمحتك عين
واحتكيت بيك بدون ماتشعر
مغير لونهن بس شفت لون شفاك
اخذلك هيج واحد من بعد يخزر

المبدع ايهاب الماكي