دردشة المرحلة الاولى

هلوووووووووووو شلونكم شباب ؟
اليوم اسئلة الهستو كلش كلش سهلة وانا من تواضعي كلت ما احل الاسئلة كلها لأن زحمة اخذ 100 فأنطيت مجال لغيري وراح اكتفي بالرسوب بعد تدرون اخاف انطك عين هع

اي انا هم سمعت ان الاسئلة سهلة هع

ترة هي صدك سهلة بس المادة صعبة وبالتالي مراح نتذكر شي بالامتحان الا بشق الانفس او بهاي الحالة شق الدماغ

طبعا تحياتي اخت بوثات على هاي الروح الرياضية العالية لان اطيتي المجال لغيرج ومع ذلك راح نطكج عين مو حسبالج هي هيتة ...

حضرو روحكم للعضوية ترة ميفيدكم الروح الرياضية بعد

ايييييييييييييي عجبني شعور انطي مجال لغيري يعني مثلا اليوم بالعضوية حليت سؤال واحد و طلعت وكلت الباقي الك احمد شوفوا الروح الرياضية و تعلموا مني هع

اييييييييي شكرا اشوفني حليت سؤال واحد وظليت اجذب بالبقية اثاري راحت روحج الرياضية لاحمد غيري
يجوز الشبكة جانت تعبانة مال سبورتي سيل

المهم كلنا على درب الجذب سالكون... سالكون بصل ومنسلكون وياه

تحياتي لروحج الرياضية هاي نريدها بعد بالفيزياوية حتة انوب تكتبين اسمج واسم الاب والجد علية لان الاسئلة ما نتطرقلها اصلا

هاييييييييي شباب شلونكم شخباركم انا كلت خليني ازود عدد مرحله اولى واسجل

اهلييييييين والله ... نورتي الدردشة

طبعا هالايام المرحلة الاولى كلها كاضيتها سج ... بس يا وليهم بالعطلة اذا ما اجو
اركض وراهم بيت بيت.. دار دار.. زنكة زنكة حتى تنترس الدردشة منهم

مرحبااااااااااااااااا

صدك سجاجين

خرب ... انا ضجت مالي خلك اكمل الهستو عملي ... ماكو واحد يكمله ببدالي؟؟

هاييييييييييييييييييييي شخباركم بأمتحان الهستو العملي طبعا الاسئله كانت مركزه وطويله طبعا انا امتحنت اخر كروب لو ما وصلتنا الاسئله ولا اجاوب

والله ضوجونا بالاسئلة خصوصا س13 ما عرفت احله والبقية ظليت اخربط
والاجوبة فادتنا بس مو كللش لان السهلة محلولة والصعبة رحنا بالزلك من وراها

صدك شخبار سعياتكم بالهستو النظري دكتور قاسم ماخذ الدرجتين وحتى العشر ما مصعده ومسويه درجه اما بالنسبه للفيزيا الله يستر منها ما ادري شلون رح تجي السعيات

انا بالنسبة الي سعيي بالهستو 12 من 20 بالنظري بس العملي رح يدمره دمار
طبعا هو العملي علساس هو اللي يرفع شو بحالتي العملي الهستو والحسابات سكطن المعدل بالسحك

اما بالفيزيا .... خلوها سكتة لا تنكلب بينا Shocked

اهئ اهئ والله ختية احنا مرحلة اولى عايشين بعذاب Sad

any body here?

لولو كاتي ... ترة احنا موجودين بس شنو هواي نجي نرد ونروح فاذا عندج فد موضوع فد رد فد سؤال ... طرحيه ومن نجي نرد عليه

وشكرا

يا هلا و مية هلا بلولو كاتي تفضلي جاي , كهوة واذا تريدين ناركيلة همين اكو هع ؟!!!!

هههههههههههههههههههههههههههههههههه يلا اريد كهوه

عندي سؤال كلكم م1؟

حاليا واللي اعرفه ان اعضاء مرحلة اولى هم :

انا

El-pharmaco

بوثات

حب الامل

roro-angle

نبقى نريد نعرف انتي هم مرحلة اولى لو لا؟؟

لاااااااااااااااا انا م2 سلامي م1

اهلااااا وسهلا ... نورتي

اهلااا ب م1

هلوووووووووووووووو شلونكم شخباركم شلونه السج وياكم اكيد طبعا هسه الكل دا يقرا هستو الله يحفظه دكتور قاسم محاظراته كلش قصيره يراعينا بيها ما ادري شلون اقدمله شكرلي على هاي المحاظرات ماكول بس الله يحفظه

الهستو لا دين له ... والله المحاضرات خرافية كل وحدة ينرادلها صفنة يللا نفتهم شنو الرباط

بعد شنسوي ...وعلى كولتج اخت رورو المحاضرات كصيرة كللش والواحد يفهمها حتة لو جاي يباوع مسلسلة وياهة

بعد بقى بس نشوف يا مسلسلة رح نباوع وياهة؟؟ انا اعتقد انسب مسلسلة تجي فيت وياهة

العشق الممنوع

لان الهستو ينطبق عليه هذا الشي

» بيت المرحلة الثانية
» تهنئة المرحلة الثالثة
» مرحباً و 100 هلة بطلاب المرحلة الثالثة
» محاضرة الفارما لطلاب الصيدلة المرحلة الثالثة
» الطلبة يواجه الوحدات الاردني بطموحات قطع الخطوة الواثقة الاولى اليوم(تقرير)