نــــادي الصيـــــــدلـــــــه
عزيزي الزائر / عزيزتي الزائرة يرجى التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


مـــنـــتـــدى يـــخـــتــــص بـــطـــلـــبـــة كـــلـــيـــة الـــصـــيـــدلـــه جــامــعــة الــبــصــره
 
الرئيسيةاليوميةس .و .جبحـثالأعضاءالمجموعاتالتسجيلدخول تسجيل دخول الاعضاء

شاطر | 
 

 رجاءا اقرؤا هذه القصة المؤثرة ولن تندموا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حب الامل
 
 
avatar

انثى عدد المساهمات : 186
تاريخ التسجيل : 16/04/2011
العمر : 26

مُساهمةموضوع: رجاءا اقرؤا هذه القصة المؤثرة ولن تندموا   الثلاثاء أبريل 19, 2011 6:32 am


السلام عليكم ورحمة الله وبركاته

قصة قرأتها وفتحت عيني على أشياء كنت غافلة
عنها وأتـمنـى من الجميع أن يقرأها للنهاية


اللهم إحسن خواتمنا
شي يخلي الواحد يبكي
*******
الساعة 4 الفجر ..يوم الأربعاء جالسة على النت سهرانة
وصوت ضحكي مآلي بيتنا الي كل الي فيه نايمين إلا أنا ..
فاتحة المسن الي أربع وعشرين ساعة عليه .. فجأة دخلت سارة ..

سارة..اهليين دنوو شخبارك؟

دانه..
هلا والله سوير

سارة:
دانه طفشانه.؟؟

دانه:
لا عادي ليه؟

سارة:
بسوي لك انفايت مع هذاك الي قلت لك عنه

دانه:
مين ياسر؟

سارة:
هههههههههه لا ياسر خلاص راح الغبي هذا نوآف الخاقوق

دانه:
ههههههه هذاك المملوح الابيضاني
سآرة:

بالضبط

دانه:
أمانه شلون جبتي ايميله ..
سارة:
مره حطه بالنت لوق حقه ولطشته

دانه:
سويت له آآد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل
سارة:
اوكي

**
سارة:
نوآف هذي دنو ..دنو هذا نواف

نواف:
يآ هلا والله بدنو
دانه:
هلا بك أكثر..






مرت الساعة وحنا سوالف وضحك وحش وشوي شي مشفر..


دانه:
يووه أذن مالي خلق أروح المدرسة
نواف:
غيبي ..خل نكمل سوالف مررره أنتي كيوت

دانه:
وأنتي سوير ؟
سارة:
تصدقين انا نفسي اغيب
دانه:
اجل بروح أسكر الباب عشان ما يزعجوني ..وه يا حلوك يا نواف انت وسواليفك..


جلسنا تقريباً نسولف لين الساعه 7..

دآنه:
يووه خلاص دخت بقوم انام ..نواف نور المسن
نواف:
بوجودك قلبو


دانه:

انسدحت على السرير وانا دااايخة ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت إن شاء الله بصلي..


السآعه9 ونص قمت من صوت مسج الجوال يوووه من وقته هذا يرسل اللحين .. فتحت الجوال كانت من سارة تقول فيها" بسرعه ادخلي في هوشه بالمسن "
تحمست بسرعة وفتحت لاب توبي وايميلي ما امداني دخلت الا سارة دخلتني انفايت فيه ناس كثار وفهمت من سارة السالفة بمحادثه ثانيه واستهبلت وانا اتهاوش لين روقت .. خلصت الهوشة بعد ضحك طوويل واعتذار احد الشباب مع انه ما غلط .. فتحت النت لوق حقي لو احط صورة فمي بس محد عارفني !! فكره والله شبابنا يخفقون على طرف عباية وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
رجعت للاب توبي وانا فيني نوم بس شفت نواف داخل جلست اسولف معه شوي .. فجأه كل شي بدا يجمد فيني الدنيا بدت تظلم كل شي ظلام وش صار ..الاب توب فوقي وكأني نايمة بعمق ما اسمع الا صوت المحادثة بس..

سارة:

دانه وينك؟

نواف:
وين رحتي دانه

*اشارة تنبيه*

سارة:
شكلها انشغلت المهم كمل السالفة ..

كل شي ظلام ابي اتحرك ابي اقوم .. لا ميتة انا اللحين ..ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونواف وعمر ومشاري وسعود الي في ايميلي؟ والفيس بوك ؟ ياربي رجعني يارب ..

مر الوقت طويل وانا بس اسمع مصوت المحادثة
الباب يطق انفتح اسمع الخدامة تاتي تنادي باسمي وانا ما ارد جلست تصرخ وتنادي بأمي ..لا انا اسمع تعالي يا تاتي تعالي بس بقول آسفة على الصراخ الي تاخذينه مني كل يوم تاتي بس حلليني ياربي قومني بس تحللني
دخلت امي وقرب الصوت لعندي اكثر

امي..
دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه..

يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني

أغاني..!!
انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. ياربي رجعني اصلي ركعتين يارب
شالوا الاب توب مني وغطوني بشرشف الصلاة بعد ما انهارت امي
مر الوقت ببطئ ودخل اخوي معاه ابوي يبكون شايلني اخوي وابوي وراه يبكي ..

اخوي ؟
والسهر ايام الاجازة بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
ركبت السيارة ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
رفع الدكتور راسه بعد ما غطاني بشرشف ابيض وقال:
تشخيص الحالة .. موت سكته قلبيه مفاجئة
سمعت نوحة ابوي وشهقة اخوي..


ابوي:
لآآآآآآآآآآ حول ولا قوة الا بالله لاآآآآ حول ولا قوة الا بالله

اخوي:
يبه قل لا اله الا الله قل لا اله الا الله البكا ما ييفيد شي..


دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
مر الوقت وكل شي ظلام وهدووووء
ياربي رجعني اصلي ركعتين بس يارب
شوي سمعت صوت الثلاجة تنفتح طلعوني بعد غطوني بالكامل وركبوني سيارة الإسعاف وانا اسمع أذان صلاة الظهر..


يا رب رجعني بس اصلي الظهر بس أصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت...


دخلت غرفة وانا اسمع صوت حريم غسلوني بمويه باردة وحطوا علي بعض الاشياء وقسمت شعري اربع اقسام بعد ما غسلته وجدلتهم بس من قصره ما قدرت تسوي شي واانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..
هذا صوت اختي الي ياما ويااما تهاوشت معها ..
خآلاتي ..
بنت خالتي لينا
ايام الاستهبال على الشباب بالارقام والحش بكل خلق الله
هذي لمياء
ايام ما كانت تنصحنا لا علينا المسجل على الاخير ونعاندها نزيد الصوت
هذي مرت خالي احمد
لما كانت تربط على خصري وتعلمني كيف ارقص
وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب
وصلنا المسجد وحطوني قدام المصلين وانا اسمع الامام يقول
"الصلآآآآة على الميت يرحمكم الله "
بدوا يصلون علي واسمع شهقات اخواني واهلي ..خلصت الصلاه والكل قام يعزي
"عظم الله اجرك يابو فلان"
"الله يرحمها ويخلف على شبابها بالجنة"
وهمهمات ابوي واخواني من البكي ما ينسمع وش يقولون ..يارب رجعني لو استغفر بس
دخلوني في سيارة الاسعاف ووصلنا المقبرة وشالوني كثار واسمع اصوات رجال كثار والمميز بينهم شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
شالوني واسمع دعاء الكل ..شالني اخوي وحطني في حفره ضيقه
تكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفرة
فتحو وجهي وطلع يديني وحط الحجر والتبن واللبن ودفنوني والكل يدعي
"الله يرحمها بواسع رحمته يارب"
"الله يخلف على شبابها بالجنة"
"الله يرحمها ويصبركم "
"اللهم بدلها بأهل غير اهلها واغسلها من الذنوب والخطايا"
هذا صوت خالي احمد
هذا صوت عمي سلطان الي كان يعلمني كيف اشرب الزقاره بالخش والدس وبعدها ما شربت
هذا صوت ولد عمي ثامر
أيام المراهقة كنا سوا
هذا صوت وهذا صوت وهذا صوت .. وش يفيدني اللحين
راحوا وانا اسمع صوت رجولهم لا تروحون وتخلوني لااا
وصوري بالنت لوق ؟! وكل شي سويته ؟!الاغاني؟ وتأخير الصلاة ليتني ارجع .. كنت احسب ان دنياي طويله وامني نفسي اني لسا صغيره على الموت
والبنات الي بالمدرسه؟ الي ما بقى احد ما حشيت فيه بيسامحوني ؟ معلماتي الي كلهم هبلت فيهم وتحسبوا علي بيحللوني ؟ ذنوبي كلها وش اسوي بها
يارب ارحمني يارب
**
بالعزا
**
صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
وين صديقاتها ؟!
وين الناس الي تكلمهم مسن؟!
وين وين وين وين ؟!
كل شي تغير فجأه ..
وين الي يحبونها ؟ وين حبيبها العاشق الهيمان؟وين وين وين ؟!
**
بالمدرسه
**
انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهة وبعضهم قال بابتسامة .."اييه الله يرحمها ويغفر لها على كل ما سوته لنا"
**
نواف؟!
سارة؟
عمر؟
مشاري ؟
سعود؟
الخ الخ الخ
ثلاث ايام.. بكو او مجرد حزنوا .. ورجعوا على حالهم
وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
وهذي هي الأدعية تنتشر ..من صديقتها يناشدون الناس يدعون لها ..

**
بس حطوا نفسكم مكان دانه وتخيلوها انتم بعيد الشر
محد يبغى يكون نهايته زي دانه !!
طيب ليه نسوي زي الي تسويه دانه بالضبط؟
لو يصير لنا نفس الي صار لدانه وش بنسوي ؟!
وش موقفنا قدام ربنا؟!
قبل لا نسوي الشي ليه ما نفكر بالعواقب الدنيوية والآخرة
صديقات دانه ؟ كلها كم شهر وينسونها لانهم من نفس نوع دانه..



ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهداية؟!
--------------------------
كتبت هذي القصة كعظة وعبرة فقط وارجوا نشرها لان في بنات كثير نفس حياة دانه .. يمكن على يدينكم يتوبون

.. .. .. .. ..

ارجو من الجميع ان يرسلها للجميع لانه يمكن ان يتسبب بهداية شخص على يده..



والقصة منقولة للأمانة

اللهم اهدنا واغفر لنا وارحمنا واحسن خواتمنا








عدل سابقا من قبل حب الامل في الأربعاء أبريل 27, 2011 1:13 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد_love
 
 
avatar

ذكر عدد المساهمات : 265
تاريخ التسجيل : 18/02/2011
الموقع : نـــائــب الـمــديــــر

مُساهمةموضوع: رد: رجاءا اقرؤا هذه القصة المؤثرة ولن تندموا   الثلاثاء أبريل 19, 2011 6:09 pm

شكرأ لك على القصة الجميله والاكثر من رائعة والحزينه في نفس الوقت Sad Sad

====================================================================================================
في حياتي شخص عرفته صدفه .. فتعلقت به واحببته اكثر من ذاتي ..
هو بعيد كل البعد عني .. يرسم لي الابتسامه ولا اجد السعاده الا في الحديث معه ..
تصغر بعيني الدنيا اذا ضاقت به .. في غيابه تغيب السعاده يغيب الفرح ..
فأرجوا للصدفه أن تجمعني به مدى الحياه


[ندعوك للتسجيل في المنتدى أو التعريف بنفسك لمعاينة هذه الصورة]
لـــمــــراســـلة الأداره
Saydla@yahoo..com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sayadla.ahlamontada.com
حب الامل
 
 
avatar

انثى عدد المساهمات : 186
تاريخ التسجيل : 16/04/2011
العمر : 26

مُساهمةموضوع: رد: رجاءا اقرؤا هذه القصة المؤثرة ولن تندموا   الثلاثاء أبريل 19, 2011 7:51 pm

شكرا على المرور
المهم العبرة منها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
phantom
 
 
avatar

ذكر عدد المساهمات : 231
تاريخ التسجيل : 24/02/2011
العمر : 30

مُساهمةموضوع: رد: رجاءا اقرؤا هذه القصة المؤثرة ولن تندموا   الثلاثاء أبريل 19, 2011 10:06 pm

شكرا ع القصه
قصه حزينه
وانشاء الله يجعل عاقبت امرنا حسنا

====================================================================================================
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
لــــمــــراســـلة الأداره
Saydla@yahoo..com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاعر علي طالب المياحي
 
 
avatar

عدد المساهمات : 9
تاريخ التسجيل : 27/02/2011

مُساهمةموضوع: رد: رجاءا اقرؤا هذه القصة المؤثرة ولن تندموا   السبت أبريل 23, 2011 7:21 pm

شكراااااااااااااااااااااااا والله يهدي الكل ويجعل عاقبت امرهم حسنا يارب قصه اكثر من رائعه تسلمين ياورده تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رجاءا اقرؤا هذه القصة المؤثرة ولن تندموا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نــــادي الصيـــــــدلـــــــه :: المنتدى الادبي :: قسم القصص والروايات-
انتقل الى: