أبوذيات لاصحاب المهن

{ أبوذيات لاصحاب المهن}

(مدرس رياضيات)

كلبي حيرني بهندسته وجبره

وعلى فراكك ولك مكدر أجبره

علاج العظم من ينكسر جبره

وكسري بالكلب شيجبره ليه

(مدرس عربي)

كَلبي عطش لأعرابه وضمأ

وسط كراس أحطنه وضمه

خبر كان صرت بحبه وضمه

كمت بادغام أون ونه خفيه

(مدرس جغرافيه)

بتضاريسك زاد عشقي واستوائي

واختل طولي وعرضي واستوائي

بمضيق أصبحت على خط أستوائي

يل مناخك معتدل أمطر عليه

(دكتور أسنان)

يطيبني لأن الطيبه جذره

وعدل هو من قالبه وجذره

أنا بلياك سن متأذي جذره

بعد متفيده حشوه دائميه

(أبوذية فيتر)

على اليسأل عليكم ولك سل

وصاب الكلب بجفاكم ولك سل

أنكطم روط الكلب منك والاكسل

وصرت شاصي من فركاك اليه

(أبوذية صيدلاني)

أخذت الدوى وما اثر ولا فات

وبلعت كبسول بالميه والافات

شديت الراس أباندج ولفات

طلعت (أرتين) ومأثر عليه

مع تحياتي للجميع

هههههههههههه وربي حلوات عااااشت الايادي يا مبدعه

هههههههه
عاشت الايادي